Streita og álag

Streita á vissulega upptök sín að mestu á vinnustöðum og erfitt fyrir okkur sem einstaklinga að breyta vinnustaðamenningu eða samstarfsfólki. En þó við breytum mögulega ekki vinnustaðnum þá getum við haft jákvæð áhrif með viðbrögðum okkar og framkomu. Eins þurfum við að hafa í huga að við getum gert ýmislegt sjálf til að draga úr streitu. Hér leggjum við til Streitustigann sem er skemmtilegt myndrænt verkfæri sem allir geta notað, einnig góð ráð við streitu sem þú getur gripið til þegar á þarf að halda og ýmsar leiðir sem þú getur valið að fara til að auka vellíðan þína og draga úr streitu.

Streitustiginn

Streitustiginn er verkfæri sem auðveldar þér að átta þig á hvernig streita þróast. Hann er myndrænn og þú getur mátað þig við hann til að meta stöðu þína með tilliti til streitu. Þá gefur hann okkur líka orðaforða til að tala um streitu á vinnustaðnum.

Kynning á Streitustiganum

Þú getur kynnt þér Streitustigann í þessari Kynningarmynd um Streitustigann. Sálfræðingar VIRK Berglind Stefánsdóttir og Guðrún Rakel Eiríksdóttir fara með okkur í ferðalag um streitustigann og lýsa hverju þrepi fyrir sig. Þær segja frá því hvernig streita getur þróast og fjalla um helstu einkenni streitu. Nánari upplýsingar hér á Streitustiginn.

Streitustiginn kemur úr bókinni Stop stress – håndbog for ledere (2016) eftir Marie Kingston og Malene Friis Andersen.

Hvar ert þú á Streitustiganum?

Þú getur notað Streitustigann til að máta þig við hann og meta stöðuna hjá þér með tilliti til streitu. Í efninu sem fylgir Streitustiganum er einnig að finna gagnleg ráð og verkfæri til að takast á við streituna og vera í góðu jafnvægi.

Hvað er til ráða?

Góðu fréttirnar eru þær að Streitustiganum fylgja nokkur verkfæri sem þú getur notað bæði í þeim tilgangi að fyrirbyggja streitu og líka til að finna leiðir út úr streituástandinu. Verkfærin getur þú nálgast hér undir Streitustiganum.

Þegar þú hefur staðsett þig á Streitustiganum getur þú valið að nota verkfæri út frá hverju þrepi fyrir sig.

Svalur

Skelltu þér í þjónustuskoðun - Ef þú vilt vera svöl/svalur gætir þú haft áhuga á að skella þér í þjónustuskoðun svona einu sinni á ári. Fleiri verkfæri og upplýsingar fyrir svala þrepið hér.

Volgur

Forgangsröðun verkefna – Á volga þrepinu getur verið gott að fara yfir verkefnin, flokka þau eftir mikilvægi og forgangsraða. Fleiri verkfæri og upplýsingar fyrir volga þrepið hér.

Logandi

Raunveruleikatékk - Ef þér finnst þú vera á logandi þrepi streitustigans er ekki ólíklegt að þú sért ekki að horfast í augu við vandann og gerir jafnvel lítið úr streitueinkennunum sem þú innst inni veist að þú finnur fyrir. Það er því ekki úr vegi að fara í smá raunveruleikatékk.

Ræddu við yfirmann þinn - Á logandi þrepinu getur þér reynst erfitt að stöðva vítahring streitunnar upp á þitt eindæmi. Á þessu þrepi er því æskilegt að ræða við yfirmann um hvernig þér líður og leita leiða til að komast til baka í betri líðan. Fleiri verkfæri og upplýsingar fyrir logandi þrepið hér.

Bráðnaður

Jafnvægi á milli virkni og hvíldar - Á bráðnaða stiginu hefur þú verið undir stöðugu langvarandi álagi, og þú ert að nýta síðustu orkudropana. Þú þarft að átta þig á hvað það er sem dregur úr þér orku, hvað gefur þér orku og hvað endurnærir þig og gert síðan áætlun um að ná betra jafnvægi í daglegu líf og er þetta verkfæri kjörið til þess. Fleiri verkfæri og upplýsingar fyrir bráðnaða þrepið hér.

Brunninn

Lærðu af streitutímabilinu – Hér er á ferðinni verkfæri sem þú getur notað til að læra af Streitutímabilinu svo þú getir notað þá þekkingu í framtíðinni til að viðhalda betra jafnvægi. Frekari upplýsingar um bruna þrepið hér.

Ráð við streitu

Við búum í samfélagi sem leggur heilmiklar kröfur á okkur og hafa þær líklega sjaldan verið meiri en nú, ekki síst kröfurnar sem við gerum til okkar sjálfra, bæði í starfi og einkalífi. Það getur verið stutt á milli þess að vera virkur, áhugasamur og ánægður í starfi yfir í að finna fyrir neikvæðum streitueinkennum.

Við heyrum líka stundum að við þurfum að gefa okkur sjálfum meiri tíma en finnum bara enga leið til þess því það er svo brjálað að gera. Staðreyndin er hins vegar sú að þegar álagið er mikið hefur þú mesta þörf fyrir að sinna eigin heilsu til að geta skilað góðum afköstum og liðið vel.

Er brjálað að gera?

Hver er þín leið til að fá útrás fyrir uppsafnaða streitu? Í Uppsöfnuð streita finnur þú hugmyndir sem getur verið gott að nýta þegar streitan hefur náð að safnast fyrir í nokkurn tíma.

Ráð til að takast á við streitu

Á 10 sterkir leikir gegn streitu í starfi finnur þú nokkur góð ráð til að fyrirbyggja eða draga úr streitu í starfi sem má að sjálfsögðu nota í einkalífinu líka.

Hvernig höndlar þú breytingar?

Að takast á við breytingar á vinnustað getur tekið á og komið niður á starfsánægju og líðan. Á breytingatímum reynir oft verulega á sveigjanleika, seiglu og jákvæðni. Flest erum við vanaföst og þegar hlutirnir ganga samkvæmt áætlun teljum við okkur hafa góða stjórn í lífinu. Þegar við mætum hinu óþekkta hins vegar getum við fundið fyrir kvíða og aukinni streitu. Í greininni Streita vegna óvissu er að finna góð ráð sem gætu hjálpað þér að takast að við breytingar á vinnustað og draga úr streitu.

Upp úr hjólförunum!

Ertu mögulega í þeirri stöðu að vita heilmikið um heilbrigðan lífsstíl og hvernig þú gætir bætt lífsgæði þín verulega, en nærð ekki að stíga skrefið? Í Bilið milli þess að vita og gera getur þú áttað þig á hver gætu verið fyrstu skrefin í átt til betra lífs.

Leiðir til að slaka á

Fyrsta skrefið er að ákvað að gera góða hluti fyrir þig og þá gæti verið gaman að bæta inn Núvitund því í erli dagsins þurfum við í auknum mæli að finna leiðir til að ná jafnvægi í lífinu. Eins gætu Öndunaræfingar hjálpað eða leiðir til að Einfalda líf þitt allt eftir því hvað höfðar til þín.

„{q}“