Náttúrukort
Apríl
- Dýfa hendi í sjóinn, hlusta og finna kyrrðina á bakkanum. Hugrakkir dýfa tánum í, vaða í fjöruborðinu eða fara alveg út í.
- Knúsa tré á göngu þinni um skóginn? Það er alltaf þörf fyrir gott knús :-)
- Líta til himins. Hvernig ský eru á himni í dag?
- Finna góðar göngu- eða hjólaleiðir sem þig langar að prufa við tækifæri.
- Líta eftir laukunum sem nú eru farnir að kíkja upp úr moldinni.
- Fara í fjársjóðsleit. Það mætti líka fela egg um páskana úti í móa og fá krakkana til að leita að þeim.
- Taka fram vaðstígvélin og skoða líf vaðfugla í votlendi og við ár og vötn.
- Ganga út að næsta vita og velta um leið fyrir þér hlutverki hans í tímans rás.
- Koma auga á fyrstu lóurnar þetta vorið og hlusta eftir hennar dirrindí.
- Ganga á hæð eða fjall og rifja upp kvæði Tómasar Guðmundssonar, Fjallgöngu. – „Sjáið tindinn, þarna fór ég!“
- Sameina útivist og plokk. Stóri Plokkdagurinn 2023 verður haldinn sunnudag 30. apríl.